புதுடெல்லி: ஊரடங்கால் மிகவும் அதிகமாக பாதிக்கப்பட்டவை குறு, சிறு மற்றும் நடுத்தர தொழில் நிறுவனங்கள்தான் (எம்எஸ்எம்இ). கொரோனா ஊரடங்கால் பாதிக்கப்பட்ட தொழில்துறையை மீட்கும் வகையில், 20 லட்சம் கோடி மதிப்பிலான, பொருளாதார ஊக்குவிப்பு சலுகை தொகுப்பை மத்திய அரசு அறிவித்தது. இதில், எம்எஸ்எம்இ-க்களுக்கு பிரத்யேக அறிவிப்புகள் வெளியாகின. தற்போது ஊரடங்கு தளர்வுகள் அறிவிக்கப்பட்டு வருகின்றன. மத்திய அரசின் 5வது ஊரடங்கு தளர்வில், நாட்டின் பொருளாதாரத்துக்கு ஆதாரமாகத் திகழும் தொழில்களை மீட்டெடுக்க மத்திய அரசு உறுதி வழங்கியுள்ளது. இந்தச் சூழ்நிலையில், ‘ஊரடங்குத் தளர்வுகளும் - தொழில்துறைகளின் நிலையும்’ என்ற தலைப்பில் கேர் ரேட்டிங்ஸ் நிறுவனம் சார்பில் சர்வே எடுக்கப்பட்டது.