கம்பம்: கேரளாவில் ஊரடங்கு அமலில் உள்ளதால், கம்பம் வாரச்சந்தைக்கு கேரளா வியாபாரிகள் வரவில்லை. இதனால் கம்பம் வாரச்சந்தை வெறிச்சோடி காணப்படுகிறது. தேனி மாவட்டம், கம்பத்தில் வாரந்தோறும் செவ்வாய்கிழமையன்று சந்தை நடைபெறுகிறது. இந்த சந்தையில் காய்கறிகள் வாங்க கம்பம் மட்டுமின்றி, கம்பத்தை சுற்றியுள்ள ஊர்களிலிருந்தும், கேரளாவில் இருந்தும் ஏராளமான வியாபாரிகள் மற்றும் பொதுமக்கள் வருவார்கள். கடந்த மார்ச் 25 முதல் ஊரடங்கு அமல்படுத்தப்பட்டதால் இந்த சந்தை இயங்க தடை விதிக்கப்பட்டது. ஊரடங்கில் தளர்வு பிறப்பிக்கப்பட்டதையடுத்து, கடந்த செப்டம்பர் முதல் இந்த சந்தை இயங்கி வருகிறது.