குன்னூர்: குன்னூர் நகராட்சி சார்பில் பிளாஸ்டிக் கழிவுகளை கொண்டு தடுப்புச்சுவர் அமைக்கப்பட்டுள்ளது பொதுமக்களிடையே வரவேற்பை பெற்றுள்ளது. குன்னூர் நகராட்சியில் மறு சுழற்சி மற்றும் விற்பனை செய்ய இயலாத தினசரி உருவாகும் பிளாஸ்டிக் கழிவுகளை, சுமார் 200 கிலோ எடை கொண்ட உயர் அழுத்த பொதிகளாக மாற்றி, அதனை கொண்டு தடுப்புச்சுவர் அமைக்கப்பட்டுள்ளது. இது குறித்து குன்னூர் நகராட்சி ஆணையாளர் பாலு கூறியதாவது: குன்னூர் நகராட்சியில் மறு சுழற்சி மற்றும் விற்பனை செய்ய இயலாத தினசரி உருவாகும் பிளாஸ்டிக் கழிவுகளை கொண்டு சுமார் 100 அடி நீளமும் 2 அடி அகலமும் கொண்ட பிளாஸ்டிக்கால் ஆன தடுப்புச்சுவர் உரம் தயாரிக்கும் பகுதியில் அமைக்கப்பட்டுள்ளது.