புதுடெல்லி: முன்னாள் பிரதமரும், காங்கிரஸ் மூத்த தலைவருமான மன்மோகன் சிங்குக்கு நேற்று திடீர் நெஞ்சு வலி ஏற்பட்டது. அவர் எய்ம்ஸ் மருத்துவமனையில் அனுமதிக்கப்பட்டுள்ளார். முன்னாள் பிரதமரான மன்மோகன் சிங்குக்கு நேற்று இரவு அவரது வீட்டில் திடீர் நெஞ்சு வலி ஏற்பட்டது. இதனால் உடனடியாக அவர் இரவு 8.45 மணி அளவில் டெல்லி எய்ம்ஸ் மருத்துவமனைக்கு அழைத்து வரப்பட்டார். அங்குள்ள இருதய சிகிச்சை வார்டில் அனுமதிக்கப்பட்ட மன்மோகன் சிங்கை, கார்டியாலஜி பேராசிரியர் டாக்டர் நிதிஷ் நாயக் தலைமையிலான மருத்துவ குழுவினர் பரிசோதித்தனர். தொடர்ந்து அவருக்கு சிகிச்சை அளிக்கப்பட்டது.