புதுடெல்லி: `‘கொரோனா பரவுது வெளியே வராதீங்கனு எச்சரிக்கை விடுத்தும் கேளாத ரஷ்ய மக்களை கட்டுப்படுத்த, அந்நாட்டில் சாலைகளில் சிங்கங்களை உலாவ விட்டுள்ளார் அதிபர் புடின்’’ என்று ரஷ்யாவைப்பற்றிய ஒரு வீடியோ வைரல் ஆகியுள்ளது. கொரோனா வைரஸ் தாக்குதல் 150க்கும் மேற்பட்ட நாடுகளில் பாதிப்பை ஏற்படுத்தியுள்ளன. கூடவே கொரோனா பற்றிய பல்வேறு வீடியோக்களும் வெளியாகி பொதுமக்களை பீதிக்கு உள்ளாக்கி வருகிறது. அதில் ஒன்று சமீபத்தில் வாட்ஸ் அப்பில் வந்த வீடியோ. இது ரஷ்யாவில் எடுக்கப்பட்ட வீடியோ என்ற குறிப்புடன் வெளியாகியுள்ள அந்த வீடியோவில், `‘மனித நடமாட்டம் இல்லாத நடுரோட்டில் ஒரு சிங்கம் ஹாயாக உலாவருகிறது. கொரோனா பரவுவதை தடுக்க ரஷ்ய அதிபர் புடின் பொதுமக்கள் யாரும் வீட்டைவிட்டு வெளியே வரவேண்டாம் என்று எச்சரிக்கை விடுத்துள்ளார்.