ராய்ப்பூர்: காஸ் சிலிண்டர் விலை அடுத்த மாதம் குறையலாம் என மத்திய அமைச்சர் தர்மேந்திர பிரதான் கூறினார். கடந்த ஆண்டு செப்டம்பரில் இருந்து, தொடர்ந்து 6 மாதங்களாக சிலிண்டர் விலை உயர்த்தப்பட்டு வந்துள்ளது. இதில், அதிகபட்சமாக கடந்த 12ம் தேதி சென்னையில் மானியமற்ற சிலிண்டர் 147 அதிகரித்துள்ளது மக்களிடையே பெரும் அதிர்ச்சியை ஏற்படுத்தியுள்ளது. வீட்டு உபயோக 14.2 கிலோ சிலிண்டரின் விலை நடப்பு மாதத்துக்கு டெல்லியில் 144.50 உயர்த்தப்பட்டு 858.50 ஆகவும், சென்னையில் 147 உயர்த்தப்பட்டு 881 ஆகவும், கொல்கத்தாவில் 149 உயர்த்தப்பட்டு 896 ஆகவும், மும்பையில் 145 உயர்த்தப்பட்டு 829.50 ஆகவும் நிர்ணயிக்கப்பட்டுள்ளது.