சென்னை: தமிழக அரசின் டெல்லி பிரதிநிதி தளவாய் சுந்தரத்தை கட்சியில் இருந்து நீக்க வலியுறுத்தி கன்னியாகுமரி மாவட்ட நிர்வாகிகள் திடீர் போர்க்கொடி தூக்கினர். அதிமுக கட்சியின் வளர்ச்சி பணி மற்றும் தேர்தல் பணிகள் குறித்து முதல்வர் எடப்பாடி பழனிச்சாமி, துணை முதல்வர் ஓ.பன்னீர்செல்வம் தலைமையில் சென்னையில் 4 நாட்கள் அதிமுக மாவட்ட நிர்வாகிகள் கூட்டம் நடைபெற்று வருகிறது. நேற்று 2வது நாளான நேற்று மாலை முதல்வர் தலைமையில் சென்னை, ராயப்பேட்டையில் உள்ள கட்சியின் தலைமை அலுவலகத்தில் ஆலோசனை நடைபெற்றுக் கொண்டிருந்தது. அப்போது, கன்னியாகுமரி மாவட்ட நிர்வாகிகள் சுமார் 50 பேர் தலைமை அலுவலகத்தின் பிரதான வாசல் அருகே நின்று கட்சி தலைமைக்கு எதிராக கோஷம் எழுப்பினர்.