சென்னை: சென்னை மாநகராட்சி பூங்கா, பள்ளிகளில் திமுக ஆட்சியில் கொண்டுவரப்பட்ட யோகா பயிற்சி நிறுத்தப்பட்டுள்ளதாக பேரவையில் மா.சுப்பிரமணியன் எம்எல்ஏ குற்றம் சாட்டியுள்ளார். சட்டப்பேரவையில் கேள்வி கேள்வி நேரத்தின் போது சைதாப்பேட்டை மா.சுப்பிரமணியன்(திமுக) துணைகேள்வி எழுப்பி பேசியதாவது: 2006ம் ஆண்டு திமுக ஆட்சியில் சென்னை மாநகராட்சியில் 38 பூங்காக்களில் யோகா மேடைகள் அமைக்கப்பட்டு இலவசமாக பொதுமக்களுக்கு யோகா பயிற்சி வழங்கப்பட்டது.
சென்னை மாநகராட்சி அலுவலர்கள், மாநகராட்சியில் பணிபுரிந்த வாகன ஓட்டுநர்கள், மாநகராட்சி உறுப்பினர்களுக்கு யோகா பயிற்சி வழங்கப்பட்டது. எல்லாவற்றிக்கும் மேலாக சென்னை மாநகராட்சியின் கல்வித்துறை நிர்வகித்த 27 உயர்நிலைப்பள்ளிகள், 38 மேல்நிலைப்பள்ளிகள் ஆக, 138 பள்ளிகளில் யோகா வகுப்புகள் தொடங்கப்பட்டு, 100 ஆசிரியர்களை கோவை மாவட்டத்தில் உள்ள ஆழியாறுக்கு அனுப்பி, அங்கிருந்து பயிற்சி பெற்று வரவழைத்து, சென்னை மாநகராட்சியில் உள்ள அனைத்து மாணவர்களுக்கும் யோகாவை ஒரு பாடமாக்கி பயிற்றுவிக்கப்பட்டது.சென்னை மாநகராட்சி பூங்கா, பள்ளிகளில் திமுக ஆட்சியில் கொண்டுவரப்பட்ட யோகா பயிற்சி நிறுத்தம்: பேரவையில் மா.சுப்பிரமணியன் எம்எல்ஏ குற்றச்சாட்டு
- யோகா பயிற்சி தடுப்பவர்கள்
- சென்னை நகராட்சி பூங்கா
- பயிற்சி நிறுத்தம்
- திமுக
- பள்ளிகள்
- டி.எம்.சுப்பிரமணியன் எம்.எல்.ஏ.