பொள்ளாச்சி: பொள்ளாச்சியை அடுத்த நவமலை அருகே காட்டு யானை ஊருக்குள் புகுந்து மீண்டும் அட்டகாசம் செய்து வருவதால் அப்பகுதி மக்கள் அச்சமடைந்துள்ளனர். இந்த யானையை விரட்ட சென்ற டிஎஸ்பியை யானை துரத்தியபோது நூலிழையில் உயிர்பிழைத்தார். கோவை மாவட்டம் பொள்ளாச்சி அருகே உள்ள நவமலை பகுதியில் கடந்த இரண்டு மாதங்களாக ஒற்றை காட்டு யானை குடியிருப்புகளில் புகுந்து பொதுமக்களை அச்சுறுத்தி வருகிறது. கடந்த மாதம் மலைவாழ் மக்கள் குடியிருப்பை சேர்ந்த ஏழு வயது சிறுமி ரஞ்சனி மற்றும் மாகாளி என்ற இரண்டு பேரை இந்த காட்டு யானை தாக்கி கொன்றது. இதையடுத்து, காட்டுயானையை விரட்ட வனத்துறையினர் டாப்சிலிப் கோழிகமுத்தி யானைகள் முகாமில் இருந்து பரணி, சுயம்பு ஆகிய இரண்டு கும்கி யானைகளை வரவழைத்தனர். தொடர்ந்து இரவு நேரங்களில் காட்டு யானை ஊருக்குள் புகாமல் இருக்க கும்கி யானைகள் கொண்டு காட்டு யானையை விரட்டி வந்தனர்.
இந்நிலையில் ஒற்றை காட்டு யானை ஆழியார் புளியங்கண்டி பகுதிக்கு இடம்பெயர்ந்தது.