ஆனந்த்நாக்: காஷ்மீர் எல்லையில் பாதுகாப்பு படையினருக்கும் தீவிரவாதிகளுக்கும் இடையே நடைபெற்ற துப்பாக்கிச்சூட்டில் 3 பயங்கரவாதிகள் சுட்டுக்கொல்லப்பட்டனர். காஷ்மீர் மாநிலம் ஆனந்த்நாக் மாவட்டத்தின் ஸ்ரீகுவாரா என்ற இடத்தில் தீவிரவாதிகள் பதுங்கியுள்ளதாக வந்த தகவலையடுத்து பாதுகாப்பு படையினர் அந்த பகுதியை சுற்றிவளைத்தனர்.
இதனைத்தொடர்ந்து இரு தரப்பினருக்கு இடையே துப்பாக்கி சண்டை நடைபெற்றது. இதில் 3 தீவிரவாதிகள் சுட்டு கொல்லப்பட்டனர். அங்கு மேலும் ஒரு தீவிரவாதி பதுங்கியுள்ளதாக தகவல் வெளியாகியுள்ளது. அதனால், அங்கு தொடர்ந்து மோதல் நடந்து வருகிறது. கூடுதலாக பாதுகாப்பு படையினர் அங்கு குவிக்கப்பட்டுள்ளனர்.
பாதுகாப்பு படையினர் மற்றும் தீவிரவாதிகளுக்கும் இடையே துப்பாக்கிச்சூடு நடைபெற்று வருவதால் ஆனந்த்நாக் மாவட்டத்தின் ஸ்ரீகுவாரா பகுதியில் இணையதள சேவை முற்றிலும் துண்டிக்கப்பட்டுள்ளது. இந்த துப்பாக்கி சூட்டில் போலீஸ் ஒருவர் உயிரிழந்துள்ளார். மேலும் 2 பாதுகாப்பு படையினர் படுகாயம் அடைந்துள்ளதாக அம்மாநில டிஜிபி வைத் தெரிவித்துள்ளார்.
தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!
