தூத்துக்குடி: தூத்துக்குடி தாமோதர நகரைச் சேர்ந்த சவுந்திர பாண்டியன் மகன் மணிராஜ் (25). புதுமாப்பிள்ளையான இவருக்கு திருமணமாகி 3 மாதங்களே ஆகிறது. உறவினர் இல்லத்திற்குச் சென்றிருந்த மனைவியை அழைத்து வருவதாக வீட்டில் கூறிச் சென்றவர், மக்களின் உணர்வு மிகுந்த போராட்டத்தை கண்டதும் அதில் பங்கேற்றுள்ளார். ஆனால் போலீசார் நடத்திய துப்பாக்கிச் சூட்டில் தலையின் பின்பகுதியில் குண்டு பாய்ந்து பரிதாபமாக பலியாகியுள்ளார்.