சென்னை: தங்கம் விலை நேற்று மீண்டும் அதிரடியாக உயர்ந்து ஒரு பவுன் ரூ.70,520க்கு விற்பனையாகி புதிய உச்சத்தை தொட்டது. தங்கம் விலை கடந்த 9ம் தேதியில் இருந்து உயர்ந்து வந்தது. இதன் ஒரு பகுதியாக கடந்த 12ம் தேதி ஒரு பவுன் ரூ.70,160 என்ற வரலாறு காணாத உச்சத்தை பதிவு செய்தது. தொடர்ந்து 4 நாட்களில் மட்டும் தங்கம் விலை பவுனுக்கு ரூ.4,360 வரை உயர்ந்தது.

இந்த அதிரடி விலை உயர்வு நகை வாங்குவோரை கடும் அதிர்ச்சியில் ஆழ்த்தி வந்தது. இந்த நிலையில் நேற்று தங்கம் விலையில் மீண்டும் அதிரடி மாற்றம் காணப்பட்டது. அதாவது நேற்று தங்கம் விலை கிராமுக்கு ரூ.95 உயர்ந்து ஒரு கிராம் ரூ.8.815க்கும், பவுனுக்கு ரூ.760 உயர்ந்து ஒரு பவுன் ரூ.70,520க்கும் விற்பனையானது. அதே நேரத்தில் மீண்டும் தங்கம் விலை வரலாற்று உச்சத்தை பதிவு செய்தது.

The post ஒரு பவுன் ரூ.70,520க்கு விற்பனையாகி புதிய உச்சம் appeared first on Dinakaran.