சென்னை: செங்குன்றம் அடுத்த தீர்த்தங்கரையம்பட்டு ஊராட்சி, பாலவாயல் பகுதியில் தனியார் அரிசி ஆலை உள்ளது. இங்கு நேற்று நெல் அரவைக்கு பிறகு உமியை லாரி மூலம் அள்ளிக்கொண்டிருந்தனர். அப்போது உமி மற்றும் தகர சீட்டுகள் எதிர்பாராத வகையில் சரிந்து அங்கு பணிபுரிந்த 2 தொழிலாளர்கள் மீது விழுந்தது. இருவரையும் உமி மூடிக்கொண்டது.

இதை பார்த்த சக தொழிலாளர்கள் செங்குன்றம் தீயணைப்பு வீரர்களுக்கு தகவல் தெரிவித்தனர். அவர்கள் விரைந்து வந்து உமியை அப்புறப்படுத்தி ஒருவரை உயிருடன் மீட்டனர். உமி குவியலின் அடியில் சிக்கிய நபர் மீட்கப்பட்டதும் 108 ஆம்புலன்ஸ் ஊழியர்கள் வந்து பரிசோதனை செய்தனர். இதில் பீகார் மாநிலத்தைச் சேர்ந்த ஜித்தாந்தர் ஜோகான் என்பவர் உயிரிழந்ததாக தெரிவித்தனர். உயிருடன் மீட்ட நபரை அருகே உள்ள தனியார் மருத்துவமனைக்கு அழைத்துச் சென்று சிகிச்சை அளித்து வருகின்றனர்.

The post அரிசி ஆலையில் உமிக்குள் சிக்கி தொழிலாளி பலி appeared first on Dinakaran.