குன்றத்தூர்.டிச. 28: குன்றத்தூர் அருகே அனகாபுத்தூர், தென்றல் நகரை சேர்ந்த ஜெகன்ராஜ் (50), அனகாபுத்தூர் சர்வீஸ் சாலையில், பழைய இரும்பு கடை நடத்தி வருகிறார். நேற்று அதிகாலை இவரது கடையில் தீவிபத்து ஏற்பட்டு, கொழுந்துவிட்டு எரிந்தது. காற்றில் தீ பரவி, அருகிலிருந்த கண்ணன் என்பவரின் டிங்கர் ஷெட்டிலும் பரவி, அங்கு நிறுத்தப்பட்டிருந்த 2 பழைய கார்கள், ஒரு லோடு ஆட்டோ எரிந்தன. தகவலறிந்து வந்த தீயணைப்பு வீரர்கள், 2 மணி நேரம் போராடி தீயை அணைத்தனர். அதற்குள், பழைய இரும்பு கடையில் இருந்த பிளாஸ்டிக் பொருட்கள் மற்றும் டிங்கர் கடையில் நிறுத்தி வைக்கப்பட்டிருந்த 3 வாகனங்கள் எரிந்து நாசமானது.

The post தீ விபத்து appeared first on Dinakaran.