கோபி, டிச.18: கோபி அருகே உள்ள குருமந்தூர் ஆயிபாளையத்தில் கீழ்பவானி வாய்க்காலில் குதித்தவரை கடத்தூர் போலீசார் தேடி வருகின்றனர். கோபி அருகே உள்ள நம்பியூர் பொலவபாளையத்தை சேர்ந்தவர் வெங்கடாச்சலம் (81). இவர், கடந்த 6ம் தேதி வீட்டை விட்டு வெளியே சென்றவர் வீடு திரும்பவில்லை. அவரது உறவினர்கள் பல இடங்களில் தேடியும் கிடைக்கவில்லை. இந்நிலையில், குருமந்தூர் ஆயிபாளையம் பகுதியில் துணி மற்றும் செல்போனை வைத்து விட்டு, வெங்கடாசலம் வாய்க்காலில் குதித்து உள்ளார். இதுகுறித்து தகவல் அறிந்த கடத்தூர் போலீசார் சம்பவ இடத்திற்கு சென்று வெங்கடாசலம் வாய்க்காலில் குதித்த பகுதியில் தேடி வருகின்றனர்.

The post கோபி அருகே வாய்க்காலில் குதித்தவர் மாயம் appeared first on Dinakaran.