சென்னை: சென்னை விமான நிலைய பகுதிகளில் விட்டு விட்டு பெய்து வரும் தொடர் மழை காரணமாக, சென்னை விமான நிலையத்தில் வந்து தரை இறங்கும் விமானங்கள் சுமார் 10 நிமிடங்களில் இருந்து 20 நிமிடங்கள் வரையில் தாமதமாக தரையிறங்கின. மேலும், சென்னையில் இருந்து புறப்படும் விமானங்களும் தாமதமாக புறப்பட்டு செல்கின்றன. குறிப்பாக சார்ஜா, துபாய், அபுதாபி, இலங்கை, சிங்கப்பூர் ஆகிய சர்வதேச விமானங்கள், அந்தமான், டெல்லி, மும்பை, திருச்சி, கோவை, கொச்சி, கோழிக்கோடு உள்ளிட்ட உள்நாட்டு விமானங்கள் சுமார் 15 விமானங்கள் தாமதமாக புறப்பட்டு சென்றன. புறப்பாடு விமானங்கள் தாமதத்திற்கு விமானிகள் மற்றும் விமான ஊழியர்கள், பயணிகள் பலர் தாமதமாக வருவது, அதோடு விமானங்களில் ஏற்றப்படும் பயணிகளின் உடைமைகள், பயணிகளுக்கான உணவு வகைகள் போன்றவைகளில் தாமதமாவதாலும், விமானம் புறப்படுவதில் சிறிது நேரம் தாமதம் ஏற்பட்டதாக கூறப்படுகிறது.

The post சென்னையில் தொடர் மழையால் 15 விமானங்கள் தாமதம் appeared first on Dinakaran.