ஊத்தங்கரை, டிச.7: ஊத்தங்கரை அருகே நாயக்கனூர் கோபால்மேடு பகுதியைச் சேர்ந்தவர் வெங்கடேசன்(44). கூலி தொழிலாளியான இவர், அதே பகுதியைச் சேர்ந்த சக்திவேல் என்பவரிடம், ₹30 ஆயிரம் கடனாக வாங்கியிருந்தார். அதில் ₹20 ஆயிரத்தை திருப்பி கொடுத்து விட்டார். மீதம் உள்ள பணத்தை கொடுக்கவில்லை. இதுகுறித்து சக்திவேல் கேட்டபோது, அவர்களுக்குள் தகராறு ஏற்பட்டுள்ளது. ஒருவரையொருவர் கடுமையாக திட்டிக் கொண்டனர். அப்போது, சக்திவேல் மற்றும் அவரது தரப்பைச் சேர்ந்த செந்தில்(31), பால்ராஜ்(36), ராமு(36) ஆகியோர் சேர்ந்து, வெங்கடேசனை கற்களால் தாக்கினர். இதில், படுகாயமடைந்த அவர், ஊத்தங்கரை அரசு மருத்துவமனையில் சிகிச்சைக்காக சேர்க்கப்பட்டார். இதுகுறித்த புகாரின்பேரில், சிங்காரப்பேட்டை போலீசார் வழக்குப்பதிவு செய்து விசாரணை நடத்தி, செந்திலை கைது செய்தனர். மேலும், தலைமறைவாக உள்ள சக்திவேல், பால்ராஜ் மற்றும் ராமு ஆகியோரை தேடி வருகின்றனர்.

The post தொழிலாளியை தாக்கியவர் கைது appeared first on Dinakaran.