சேலம், நவ.8: சேலம் வலசையூர், அரூர் மெயின்ரோட்டில் உள்ள ஏஆர்ஆர்எஸ் அகாடமி பள்ளி மாணவர்கள், 83வது தமிழ்நாடு யோகா சங்கம் மாநில அளவிலான போட்டியில் கலந்து கொண்டு, மாவட்ட அளவில் முதல் 3 இடங்களை பிடித்து சாதனை படைத்துள்ளனர். இதுகுறித்து பள்ளி தாளாளர் ரவிச்சந்திரன், சுமத்திரா தேவி ஆகியோர் கூறியது: மாநில அளவிலான போட்டியில், மாவட்ட அளவில் 7ம் வகுப்பு மாணவன் ஓவியன், 5ம் வகுப்பு ஜஸ்னா, தன்யா, 3ம் வகுப்பு மோனிஷா ஆகியோர் முதலிடமும்,
3ம் வகுப்பு மாணவன் கபில் கிருஷ்ணா, மாணவி ஸ்ரீதிகா, சௌபர்ணிகாஸ்ரீ ஆகியோர் 2ம் இடமும், 3ம் வகுப்பு மாணவன் இனியன் 3ம் இடம் பிடித்துள்ளனர். மேலும் இந்தியன் இன்ஸ்டியூட் டேலண்ட் டெவலப்மெண்ட் பூனா சங்கத்தின் மூலம் ஆங்கில கையெழுத்து போட்டி நடத்தப்பட்டது. இதில், 8ம் வகுப்பு மாணவன் ராகுல் முதலிடம் பிடித்துள்ளார் என்றார். சாதனை படைத்த மாணவர்களை பள்ளியின் நிர்வாக இயக்குநர் பிரகாஷ், முதல்வர் திரிவேணி, ஒருங்கிணைப்பாளர் ராஜாஜி மற்றும் பள்ளியின் நிர்வாகிகள், ஆசிரிய, ஆசிரியைகள் பாராட்டினர்.
The post ஏஆர்ஆர்எஸ் அகாடமி பள்ளி மாணவர்கள் சாதனை appeared first on Dinakaran.
