ஜம்மு – காஷ்மீர் மாநிலத்தில் சிறப்பு அந்தஸ்து ரத்து செய்யப்பட்ட பின்னர் முதன்முதலாக பேரவை தேர்தல் நடைபெறவுள்ளதால், வரும் செப்டம்பர் 30ம் தேதிக்குள் சட்டப்பேரவைத் தேர்தலை நடத்த தேர்தல் ஆணையம் முடிவு செய்துள்ளது. இந்நிலையில் மக்களவை தேர்தலில் பாஜக தலைமையிலான தேசிய கூட்டணியை ‘இந்தியா’ கூட்டணி திணறடித்தது போன்று, மேற்கண்ட 4 மாநில தேர்தல்களையும் எதிர்கொள்ள வியூகங்கள் வகுக்கப்பட்டு வருகின்றன. குறிப்பாக அரியானா, மகாராஷ்டிரா மாநில சட்டப் பேரவை தேர்தலுக்காக அரசியல் கட்சிகள் தயாராகி வருகின்றன.
அதன் ஒருபகுதியாக நாடாளுமன்ற கூட்டத் தொடர் வரும் 12ம் தேதி வரை நடைபெறவுள்ளது. அதனால் ‘இந்தியா’ கூட்டணி கட்சித் தலைவர்களின் ஆலோசனை கூட்டம் இந்த வாரம் டெல்லியில் நடைபெறலாம் என்று தகவல்கள் தெரிவிக்கின்றன. லோக்சபா தேர்தலுக்கு பின்னர் நடக்கும் முதல் கூட்டம் என்பதால், ‘இந்தியா’ கூட்டணியின் எதிர்கால திட்டங்கள் குறித்தும், 4 மாநில பேரவை தேர்தல் குறித்தும் விவாதிக்கப்படலாம். சிவசேனா (யுபிடி) தலைவர் உத்தவ் தாக்கரே, நேற்று முதல் டெல்லியில் முகாமிட்டு எதிர்க்கட்சிகளின் முக்கிய தலைவர்களை சந்தித்து ஆலோசனை நடத்தி வருகிறார்.
கூட்டணி தலைவர்கள் விரைவில், திரிணாமுல் காங்கிரஸ் தலைவர் மம்தா பானர்ஜியை சந்தித்துப் பேச உள்ளதாகவும், ‘இந்தியா’ கூட்டணி தலைவர்கள் சந்திக்கும் தேதி விரைவில் அறிவிக்கப்படும் என்றும் தகவல்கள் தெரிவிக்கின்றன.
The post மகாராஷ்டிரா உட்பட 4 மாநில தேர்தல் வருவதால் விரைவில் ‘இந்தியா’ கூட்டணி தலைவர்கள் கூட்டம்: டெல்லியில் உத்தவ் தாக்கரே முகாம் appeared first on Dinakaran.