குறிப்பாக புதுச்சேரி, மதுரை, சென்னை, வேலூர் ஆகிய பகுதிகளில் நேற்று 102 டிகிரி வெயில் கொளுத்தியது. கடலூர், ஈரோடு, கரூர், நாகப்பட்டினம், பாளையங்கோட்டை, திருச்சி, திருத்தணி உள்பட 10க்கும் மேற்பட்ட இடங்களில் வெயில் 100 டிகிரி நிலவியது. வடதமிழக உள் மாவட்டங்களின் சமவெளிப் பகுதிகளில் சராசரியாக 100 டிகிரியும், தென் தமிழக உள் மாவட்டங்களின் சமவெளி பகுதிகளில் 100 டிகிரி முதல் 102 டிகிரி வரையும், வட தமிழக கடலோரப் பகுதிகள், புதுச்சேரி மற்றும் காரைக்கால் பகுதிகளில் 100 டிகிரியும், தென் தமிழக கடலோரப் பகுதிகளில் 90 டிகிரியும், வெயில் பதிவானது.
இதற்கிடையே, தென் மேற்கு மற்றும் அதை ஒட்டிய மத்திய மேற்கு பகுதிகளின் மேல் ஒரு வளி மண்டல மேலடுக்கு சுழற்சி நிலவுகிறது. அதன் காரணமாக 22ம் தேதி வரை தமிழ்நாட்டில் இடி மின்னலுடன் கூடிய லேசானது முதல் மிதமான மழை பெய்யும் வாய்ப்புள்ளது. இதுதவிர மேற்கண்ட நாட்கள் வரையில் அதிகபட்ச வெப்பநிலை 2 டிகிரி செல்சியஸ் முதல் 3 டிகிரி செல்சியசுக்கும் அதிகரிக்க வாய்ப்புள்ளது என வானிலை ஆய்வு மையம் தெரிவித்துள்ளது.
The post தமிழ்நாட்டில் 4 இடங்களில் 102 டிகிரி வெயில் கொளுத்தியது: 20ம் தேதி வரை அதிகரிக்கும் appeared first on Dinakaran.