சென்னை: தங்கம் விலை கடந்த 2 மாதமாக ஏற்றம், இறக்கத்துடன் காணப்பட்டு வருகிறது. அதே நேரத்தில் அதிரடியாக உயர்வதும் வாடிக்கையாக இருந்து வருகிறது. இந்நிலையில் கடந்த 23ம் தேதி ஒரு சவரன் தங்கம் ரூ.44,168க்கு விற்கப்பட்டது. 24ம் தேதி ஞாயிற்றுக்கிழமை என்பதால் தங்கம் விலையில் மாற்றம் ஏற்படவில்லை. அதன் பிறகு தங்கம் விலை தொடர்ந்து சரிவை சந்தித்து வருகிறது. 25ம் தேதி தங்கம் விலை சவரன் ரூ.8 குறைந்து ஒரு சவரன் ரூ.44,160க்கு விற்கப்பட்டது. 26ம் தேதி சவரன் ரூ.120 குறைந்து ஒரு சவரன் ரூ.44,040க்கும், 27ம் தேதி சவரன் ரூ.200 குறைந்து ஒரு சவரன் ரூ.43,840க்கும் விற்கப்பட்டது.

கடந்த 28ம் தேதி தங்கம் விலை சவரனுக்கு ரூ.560 குறைந்து ஒரு சவரன் ரூ.43,280க்கு விற்கப்பட்டது. 29ம் தேதி தங்கம் விலை சவரனுக்கு ரூ.160 குறைந்து ஒரு சவரன் ரூ.43,120க்கும், 30ம் தேதி சவரனுக்கு ரூ.240 குறைந்து ஒரு சவரன் ரூ.42,880க்கும் விற்கப்பட்டது. 1ம் தேதி ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறையாகும். அதனால், தங்கம் விலையில் எந்தவித மாற்றமும் ஏற்படவில்லை. ஒரு நாள் விடுமுறைக்கு பிறகு நேற்று முன்தினம் தங்கம் மார்க்கெட் தொடங்கியது. அதில் தங்கம் விலை கிராமுக்கு ரூ.4 குறைந்து ஒரு கிராம் ரூ.5,356க்கும், சவரனுக்கு ரூ.32 குறைந்து ஒரு சவரன் ரூ.42,848க்கு விற்கப்பட்டது. இந்நிலையில் நேற்று தங்கம் விலை அதிரடி சரிவை சந்தித்தது. நேற்று தங்கம் விலை கிராமுக்கு ரூ.66 குறைந்து ஒரு கிராம் ரூ.5,290க்கும், சவரனுக்கு ரூ.528 குறைந்து ஒரு சவரன் ரூ.42,320க்கும் விற்கப்பட்டது. தொடர்ந்து கடந்த 10 நாட்களில் மட்டும் தங்கம் விலை சவரனுக்கு ரூ.1848 குறைந்துள்ளது. இந்த விலை குறைவு நகை வாங்குவோருக்கு மகிழ்ச்சியை ஏற்படுத்தியுள்ளது.

The post தங்கம் விலை தொடர்ந்து இறங்குமுகம் ஒரே நாளில் சவரனுக்கு ரூ.528 சரிவு: 10 நாளில் மட்டும் 1848 வீழ்ச்சி appeared first on Dinakaran.