செங்கல்பட்டு: சென்னை அருகே மறைமலைநகர் பகுதியை சேர்ந்தவர் மணிகண்டன் (39). இவர் கார் டிரைவர். இவரின் மனைவி சித்ரா (35). இவர்களது மகன்கள் எழில்குமரன் (14), தமிழ்குமரன் (10) ஆகியோர் காட்டாங்கொளத்தூரில் உள்ள ஒரு தனியார் பள்ளியில் முறையே 9 மற்றும் 5ம் வகுப்பு படித்து வருகின்றனர். நேற்று மாலை பள்ளி முடிந்ததும் எழில்குமரனும் தமிழ்குமரனும் வீட்டுக்கு வந்தனர். இதன்பின்னர் எழில்குமரனுக்கு சாப்பாடு கொடுத்துவிட்டு டியூஷனுக்கு செல்லும்படி தாயார் கூறிவிட்டு, துணி துவைக்க சென்றுவிட்டார்.

இதனால் கடும் மனஉளைச்சலில் இருந்த எழில்குமரன், படுக்கை அறைக்குள் சென்று துப்பட்டாவால் தூக்கிட்டு தற்கொலை செய்து கொண்டார். இதை கண்டதும் தாய் சித்ரா கதறி அழுதார். மறைமலைநகர் போலீசார் வந்து எழில்குமரனின் சடலத்தை செங்கல்பட்டு அரசு மருத்துவமனைக்கு அனுப்பி வைத்தனர். இந்த நிலையில், எழில்குமரனின் உடல் உறுப்புகளை தானமாக வழங்குவதாக அவரது தந்தை டாக்டர்களிடம் தெரிவித்தார். இதன் பின்னர் டாக்டர்கள் பரிசோதித்து, எழில்குமரனின் கண்களை தானமாக பெற்றனர். இவரது கண்கள் தேவைப்படும் மருத்துவமனைக்கு அனுப்பி வைக்கப்படும் என்று டாக்டர்கள் தெரிவித்தனர்.

The post பள்ளி மாணவன் தூக்கிட்டு தற்கொலை: உடல் உறுப்புகள் தானம் appeared first on Dinakaran.