தொடர்ந்து சுங்கச்சாவடி கட்டணம் உயர்வதற்கு காரணம் என்ன? பெட்ரோல், டீசல் விலை உயர்ந்துவிட்டது. சுங்க கட்டணம் உயர்ந்து போனால், அத்தியாவசிய பொருட்கள் விலை உயர்வு இங்கிருந்துதான் ஆரம்பிக்கிறது. விலை உயர்வுக்கு சுங்க கட்டணம் மிக முக்கிய காரணமாக உள்ளது. காலாவதியான சுங்கச்சாவடிகளை மூட வேண்டும். தமிழகத்தில் 63 சுங்கச்சாவடிகளை வைத்து வசூல் செய்து வருகின்றனர். பல மாநிலங்களில் சுங்கச்சாவடிகளில் கட்டணம் வசூலிப்பது இல்லை. தமிழகத்தில் மட்டும் ஏன் வஞ்சனை செய்கிறது ஒன்றிய அரசு.
சுங்க கட்டணத்தை திரும்ப பெற வேண்டும் என்பதை வலியுறுத்த தான் ஆர்ப்பாட்டம். ஒன்றிய அரசு காலாவதியான சுங்கச்சாவடிகளை மூட வேண்டும். தேர்தல் நெருக்கத்தில் கூட்டணி குறித்து எங்களது நிலைப்பாட்டை தலைவர் விஜயகாந்த் அறிவிப்பார். 75 ஆண்டுகளுக்கு பிறகு பாரத் என்று பெயர் மாற்றம் கொண்டு வந்தால், அதனை ஏற்றுக்கொள்ளும் மனப்பான்மையில் யாரும் இல்லை. நாட்டின் பெயரை மாற்றுவது சுலபமும் கிடையாது, ஏற்றுக்கொள்ள கூடியதும் இல்லை. ஒரு கூட்டணிக்கு நாட்டின் பெயரை வைப்பது தவறு. அதேபோல ஒரு நாட்டின் பெயரை மாற்றி வைப்பதும் தவறான ஒரு விஷயம்.
The post சுங்கவரி கட்டண உயர்வில் ஒன்றிய அரசை கண்டித்து பிரேமலதா தலைமையில் வானகரம் சுங்கச்சாவடி முற்றுகை: ஏராளமான தேமுதிகவினர் பங்கேற்பு appeared first on Dinakaran.