நமக்கு நாமே: சொன்னாரு..! செஞ்சாரு..!!

சொன்னாரு: திமுகவின் 2021 தேர்தல் அறிக்கையில் ‘நமக்கு நாமே திட்டம்’ மீண்டும் புத்துயிர் பெற்று செயல்படுத்தப்படும் என்ற முக்கிய வாக்குறுதியை மு.க.ஸ்டாலின் அளித்திருந்தார். செஞ்சாரு: மறைந்த முன்னாள் முதல்வர் கலைஞரால் 1997-98ம் ஆண்டு தொடங்கப்பட்டு கொண்டு வரப்பட்டு அதிமுக ஆட்சியில் முடக்கப்பட்டது. திமுக ஆட்சிக்கு வந்தால் மீண்டும் இத்திட்டம் செயல்படுத்தப்படும் என அறிவிக்கப்பட்டதை தொடர்ந்து, சொன்னபடியே ஆட்சிக்கு வந்தவுடன் 2021 செப்டம்பர் மாதம் சேலத்தில் நடைபெற்ற அரசு விழாவில் முதலமைச்சர் மு.க.ஸ்டாலின் இத்திட்டத்தை அதிகாரப்பூர்வமாகத் தொடங்கி வைத்தார். முதற்கட்டமாக ஊரகப் பகுதிகளில் இத்திட்டத்தைச் செயல்படுத்த ரூ.100 கோடி நிதி ஒதுக்கீடு செய்து அரசாணை வெளியிடப்பட்டது. அரசு நிதியுடன் பொதுமக்களின் பங்களிப்பையும் இணைத்து அரசுப் பள்ளிகள், மருத்துவமனைகள், பூங்காக்கள் மற்றும் நீர்நிலைகளை மேம்படுத்துவது முக்கிய நோக்கமாக கொண்டவையாக உள்ளன.

பொதுமக்கள் பங்களிப்பு திட்ட மதிப்பீட்டில் குறைந்தபட்சம் 33.33% (மூன்றில் ஒரு பங்கு) அரசு மானியம் திட்ட மதிப்பீட்டில் 66.67% (மூன்றில் இரண்டு பங்கு) நிதி பங்களிப்பாக உள்ளன. இதன் மூலம் பல மாவட்டங்களில் பழைய பள்ளி கட்டிடங்கள் சீரமைக்கப்பட்டு, புதிய வகுப்பறைகள் மக்கள் பங்களிப்புடன் கட்டப்பட்டுள்ளன. தன்னார்வத் தொண்டு நிறுவனங்கள் மற்றும் பொதுமக்களின் உதவியுடன் ஏராளமான குளங்கள் மற்றும் ஏரிகள் தூர்வாரப்பட்டுள்ளன. மயானங்கள் மேம்படுத்தல், நவீன தெருவிளக்குகள் மற்றும் பூங்காக்கள் அமைத்தல் போன்ற பணிகள் நடைபெற்றுள்ளன. இது மட்டுமின்றி திமுக தனது தேர்தல் வாக்குறுதியை நிறைவேற்றும் வகையில், இத்திட்டத்திற்கு மீண்டும் உயிர் கொடுத்து, ஆண்டுதோறும் ரூ.100 கோடிக்கும் அதிகமான நிதியை ஒதுக்கிச் செயல்படுத்தி வருகிறது. அரசே ஒரு திட்டத்தைச் செயல்படுத்தும்போது, அதை மக்கள் ஒரு அரசுப் பொருளாகவே பார்ப்பார்கள். ஆனால், இத்திட்டத்தில் மக்களின் உழைப்பும் பணமும் (33.3%) கலந்திருப்பதால், அந்தச் சொத்தை (பூங்கா, பள்ளி அல்லது குளம்) மக்கள் தங்களின் சொந்தச் சொத்தாகக் கருதிப் பராமரிக்கின்றனர். இந்த ‘உரிமை உணர்வு’ மக்களிடம் பெரிய வரவேற்பைப் பெற்றுள்ளது.

ஆண்டு ஒதுக்கப்பட்ட நிதி முக்கியத்துவம்
2021-2022 ரூ.100 கோடி இத்திட்டம் மீண்டும் தொடங்கப்பட்ட ஆண்டு.
2022-2023 ரூ.100 கோடி நகர்ப்புற மற்றும் ஊரகப் பகுதிகளில் விரிவுபடுத்தப்பட்டது.
2023-2024 ரூ.100 கோடி பள்ளி உட்கட்டமைப்பு, நீர்நிலைகளுக்கு முன்னுரிமை.
2024-2025 ரூ.100 கோடி மாநகராட்சி மற்றும் நகராட்சிகளில் கூடுதல் பணிகள்.
2025-2026 ரூ.100 கோடி நடப்பு நிதியாண்டு ஒதுக்கீடு.