முட்டை விலை 560 காசாக நிர்ணயம்

நாமக்கல்: நாமக்கல் மண்டலத்தில் முட்டை விலை கடந்த 3 நாட்களாக தொடர்ந்து குறைந்து வருகிறது. என்இசிசி மண்டல தலைவர் சிங்கராஜ் நேற்று முட்டை விலையில் மேலும் 20 காசுகள் குறைத்தார். இதையடுத்து ஒரு முட்டையின் பண்ணை கொள்முதல் விலை 560 காசாக நிர்ணயம் செய்யப்பட்டது. கடந்த ஒரு வாரத்தில் முட்டை விலையில் 80 காசுகள் குறைந்துள்ளது. முட்டையின் விற்பனை கடந்த ஒரு வாரமாக, தமிழகம் மற்றும் கேரளாவில் குறைந்துள்ளது. மேலும் மற்ற மண்டலங்களிலும் முட்டை விலை குறைந்து வருவதால், அதை பின்பற்றி நாமக்கல் மண்டலத்திலும் முட்டை விலை குறைக்கப்பட்டுள்ளதாக கோழிப்பண்ணையாளர்கள் தெரிவித்தனர்.