சென்னை: முதல்வர் மு.க.ஸ்டாலின் நேற்று சமூக வலைதளங்களில் வெளியிட்டுள்ள பதிவு: உழைப்பும் உறுதியும் மிக்க மீனவ தோழர்கள் அனைவருக்கும் உலக மீனவர் நாள் வாழ்த்துகள்! மீனவர் நல மாநாடு, மீன்பிடி தடைக்கால நிவாரணம் உயர்வு, மானிய டீசல் அளவு உயர்வு, கடனுதவிகள், மீன்பிடி துறைமுகங்கள், மீன் இறங்குதளங்கள், தூண்டில் வளைவுகள் என உங்கள் கோரிக்கைகள் அத்தனையையும் நிறைவேற்றும் மீனவ நண்பனாக என்றும் நமது திராவிட மாடல் அரசு தொடரும். இவ்வாறு அவர் கூறியுள்ளார்.