தூத்துக்குடி, செப். 5: சிறுமியை பலாத்காரம் செய்தவருக்கு ஆயுள் தண்டனை விதித்து தூத்துக்குடி கோர்ட்டு உத்தரவிட்டு உள்ளது. திருச்செந்தூர் அருகே உள்ள இடைச்சிவிளையை சேர்ந்தவர் அய்யாத்துரை மகன் வேலாண்டி (50). இவர், கடந்த 2021ம் ஆண்டு 8 வயது சிறுமியிடம் பாலியல் அத்துமீறலில் ஈடுபட்ட வழக்கில் திருச்செந்தூர் அனைத்து மகளிர் போலீசார் போக்சோ சட்டத்தின் கீழ் வழக்கு பதிந்து கைது செய்தனர். இந்த வழக்கை அப்போதைய திருச்செந்தூர் அனைத்து மகளிர் போலீஸ் இன்ஸ்பெக்டர் இந்திரா புலன் விசாரணை செய்து கடந்த 26.4.2021 அன்று குற்றப்பத்திரிகை தாக்கல் செய்தார். இந்த வழக்கு விசாரணை, தூத்துக்குடி போக்சோ சிறப்பு கோர்ட்டில் நடந்து வந்தது. வழக்கை விசாரித்த நீதிபதி சுவாமிநாதன், குற்றம் சாட்டப்பட்ட வேலாண்டிக்கு ஆயுள் சிறை தண்டனை மற்றும் ரூ.10 ஆயிரம் அபராதம் விதித்து நேற்று தீர்ப்பு கூறினார். இந்த வழக்கில் அரசு தரப்பில் வக்கீல் முத்துலட்சுமி ஆஜரானார்.

The post சிறுமியிடம் பாலியல் அத்துமீறலில் ஈடுபட்டவருக்கு ஆயுள் தண்டனை appeared first on Dinakaran.