உடுமலை, ஏப். 19: பெதப்பம்பட்டி அரசு மேல்நிலைப்பள்ளி மாணவர்களுக்கான கோடைகால ஹாக்கி பயிற்சி முகாம்0 கடந்த 16-ம் தேதி துவங்கி, 15 நாட்கள் நடக்கிறது. இந்த முகாமில் ஹாக்கி விளையாட்டின் அடிப்படை திறன்கள், நுணுக்கங்கள், விளையாடும் முறைகள், யோகா போன்றவை கற்றுத் தரப்படுகிறது. பயிற்சி முகாமை பள்ளி தலைமை ஆசிரியர் பாபு துவக்கி வைத்தார். உடற்கல்வி ஆசிரியர் செந்தில்குமாரவேல் பயிற்சி அளித்தார். துவக்க விழாவில் ஆசிரியர்கள், விளையாட்டு வீரர்கள் பங்கேற்றனர்.
