இயற்கை முறையில் மண் அரிப்பை தடுக்க என்ன வழிமுறைகள்?

ஒட்டன்சத்திரம், டிச. 10: இயற்கை முறையில் வயல்களில் மண் அரிப்பை தடுக்க என்ன வழிமுறைகள் உள்ளன என்பது குறித்து வேளாண் கல்லூரி மாணவிகள் ஆலோசனை வழங்கியுள்ளனர்.
ஒவ்வொரு ஆண்டும் டிசம்பர் மாதம் 5ம் தேதி உலக மண் வள தினமாக கொண்டாடப்படுகிறது. இந்த மண்வள தினத்தின் கருபொருள் மண் அரிப்பை நிறுத்துங்கள், நமது எதிர்காலத்தை காப்பாற்றுங்கள் என்பதாகும். ஆரோக்கியமான சுற்றுச்சூழல் அமைப்புகள் மற்றும் மனித நல்வாழ்வை நிலைநிறுத்துவதன் முக்கியத்துவம் குறித்து விழிப்புணர்வை ஏற்படுத்துவது இதன் நோக்கமாகும்.
மண் அரிப்பின் மூலம் மேல் மண் மற்றும் மண்ணில் உள்ள முக்கியமான ஊட்டச்சத்துக்கள் இழக்கின்றது. காலப்போக்கில் இது நிலத்தின் உணவு உற்பத்தி திறனை குறைக்கிறது. மண் அரிப்பை இயக்கை முறையில் தடுப்பதற்கான வழிமுறைகளை ஊரக வேளாண்மை பணி அனுபவ திட்டத்தின் கீழ் மதுரை வேளாண்மை கல்லூரி இளங்கலை 4ம் ஆண்டு மாணவிகள் கீழ்கண்ட வழிமுறைகளை கூறுகின்றனர்.
அவை வருமாறு:

1. நிலையான நிலப்பரப்பை பாராமரிக்க முயற்சி செய்ய வேண்டும். ஒரு பயிர் அறுவடை செய்யும்போது அல்லது அழிக்கப்படும் போது மற்றொரு பயிரை நடவு செய்ய வேண்டும். அல்லது உடனடியாக பயிர் செய்ய வேண்டும்.
2. வெற்று மண் காற்று மற்றும் நீரால் எளிதில் அடித்து செல்லப்படுவதால் தரை அலங்கார புல் மற்றும் குறைந்து பரவும் புதர்கள் அவை மண்ணை முழுவதுமாக மூடுவதால் மண் அரிப்பை தடுக்க முடியும்.
3. தழைக்கூளம் அல்லது பாறைகளை சேர்ப்பதன் மூலம் மண்ணை எடை போட்டு விதைகளையும், இளம் தாவரங்களையும் கழுவாமல் பாதுகாக்கும்.
4. செங்குத்தான சரிவுகளில் அரிப்பை கட்டுப்படுத்துவதற்கான சுருட்டப்பட்ட பதிவுகள் அல்ல இழைமை பொருட்கள் இட வேண்டும். இது சாய்விலிருந்து கீழே ஓடும் நீர் பதிவுகளை தாக்கும்போது மெதுவாக சென்று மண்ணை கீழ் நோக்கி செல்வதற்கு பதிலாக மண்ணில் ஊர வைக்கும், பதிவுகளை 10 முதல் 25 அடி (3.8 மீட்டர்) இடைவெளியில் சரிவின் குறுக்கே வைக்க வேண்டும்.
5. தோட்டத்தில் அதிகமாக நீராடுவது மண்ணை கழுவுவதன் மூலம் மண் அரிப்பை விரைவுபடுத்துகிறது. எனவே சொட்டுநீர் பாசன முறையை பயன்படுத்துவது சிறப்பு.
6. மண் சுருக்கத்தை தவிர்க்க வேண்டும். மக்கள், விலங்குகள் மற்றும் இயந்திரங்கள் மண்ணின் மீது பயணிக்கும்போது மண்ணை கீழே அழுத்தி, மண்ணை அடர்த்தியாக்குகின்றனர். இதனால் மண்ணில் அழுக்கு துகல்களுக்கு இடையில் குறைந்த இடைவேளி இருப்பதால் நீர் வேளியேற கடினமாகிறது. இவ்விடத்தில் மண் கீழ்நோக்கி செல்கிறது. எனவே மண்ணை மிதிப்பதற்கு பதிலாக சாலை ஓரங்களில் நடைபாதைகளை பயன்படுத்துவதன் மூலம் நீர்தேக்கத்தையும், அரிப்பையும் தடுக்கலாம்.
7. வெள்ளநீர் வயலுக்குள் வராமல் தடுக்க நன்றாக திட்டமிட்டு, சில மரங்களை வளர்ப்பதன் மூலம் மண் அரிப்பை தடுக்கலாம். வயலை சுற்றி மண்ணை மேடாக்கி, அதன் பின்பு மூன்று அடுக்குகளாக மரங்களை வளர்க்க வேண்டும். முதல் அடுக்கில் பனை மரம், அதன் இடையில் தாழை மரங்களை வளர்க்கலாம். இரண்டாம் அடுக்கில் நொச்சி, துவரை, கற்றாலை போன்றவற்றை இடைவெளியில்லாமல் வளர்க்கலாம். 3ம் அடுக்கில் மலைவேம்பு, சவுக்கு சுபாபுல போன்ற மரங்களை வளர்க்கலாம். இவ்வாறு செய்வது வயலுக்கு அரணாகவும், வெள்ளநீரை தடுத்து நிறுத்துவதோடு, ஏராளமான தழைச்சத்துக்கள் மண்ணிற்குள் சேர்க்கப்படுகிறது.
8. வெட்டிவேர், லெமன்புல் போன்றவற்றை வீட்டின் அருகாமையில் உள்ள காலியிடங்களில் வளர்ப்பதன் மூலம் மண் அரிப்பை தடுக்கலாம். இவ்வாறு இயற்கையான சிறு சிறு செயல்பாட்டின் மூலம் மண் அரிப்பை தடுத்து, மண் வளத்தை பெருக்க செய்யலாம். இவ்வாறு அவர் கூறினார்.