துபாய்: ஐசிசி ஆண்கள் வீரர் தரவரிசையில் சமீபத்திய புதுப்பிப்பைத் தொடர்ந்து, இந்திய வீரர் விராட் கோஹ்லி ஒருநாள் பேட்ஸ்மேன்களுக்கான பட்டியலில் முதல் ஐந்து இடங்களுக்குள் மீண்டும் முன்னேறியுள்ளார். கடந்த ஞாயிற்றுக்கிழமை துபாயில் நடந்த ஐசிசி சாம்பியன்ஸ் டிராபியில் பாகிஸ்தானுக்கு எதிரான சிறப்பான பேட்டிங்கில் கோஹ்லி தனது 51வது ஒருநாள் சதத்தை அடித்தார்.
ஒருநாள் பேட்ஸ்மேன்களுக்கான சமீபத்திய தரவரிசையில் 743 புள்ளிகளுடன் ஒரு இடம் முன்னேறி 5வது இடத்திற்குத் திரும்பினார். மேலும் இந்த தரவரிசை பட்டியலின் 10 இடங்களில் 4 இந்திய வீரர்கள் உள்ளனர்.
சுப்மன் கில் 817 புள்ளிகளுடன் முதல் இடத்திலும், 770 புள்ளிகளுடன் பாகிஸ்தான் வீரர் பாபர் அசாம் 2வது இடத்திலும், 757 புள்ளிகளுடன் ரோஹித் ஷர்மா 3வது இடத்திலும், 749 புள்ளிகளுடன் தென்னாபிரிக்க வீரர் ஹென்ரிச் க்ளாஸன் 4வது இடத்திலும், 679 புள்ளிகளுடன் ஷ்ரேயஸ் ஐயர் 9வது இடத்திலும் உள்ளனர்.
The post ஐசிசி ODI பேட்ஸ்மேன்களுக்கான தரவரிசை பட்டியலில் 5வது இடத்திற்கு முன்னேறினார் விராட் கோலி appeared first on Dinakaran.
