உடன்குடி, டிச. 21: குலசேகரன்பட்டினம் கோயிலில் உண்டியல் காணிக்கை எண்ணப்பட்டது. இதில் ₹17.24 லட்சம் வசூலானது. குலசேகரன்பட்டினம் முத்தாரம்மன் கோயிலில் பக்தர்கள் செலுத்திய காணிக்கை எண்ணும் பணி நடந்தது. 18 நிரந்தர உண்டியல் மூலம் பக்தர்கள் செலுத்திய காணிக்கை எண்ணும் பணி, சங்கரன்கோவில் துணை ஆணையர் கோமதி தலைமையில் நடந்தது. இதில் ₹17 லட்சத்து 24 ஆயிரத்து 148 ரொக்கமாகவும், தங்கம் 55 கிராம், வெள்ளி 300 கிராம் 600 மில்லி கிராம் கிடைத்துள்ளது. உண்டியல் எண்ணிக்கையில் திருக்கோயில் நிர்வாக அதிகாரி வள்ளிநாயகம், சாத்தான்குளம் ஆய்வாளர் முத்துமாரியம்மாள், அறங்காவலர் குழு தலைவர் கண்ணன் மற்றும் கோயில் அறங்காவலர்கள், ஊழியர்கள் மற்றும் பொதுமக்கள் கலந்து கொண்டனர்.
The post குலசை கோயிலில் உண்டியல் வசூல் ₹17.24 லட்சம் appeared first on Dinakaran.
