நித்திரவிளை, டிச.4: நித்திரவிளை அருகே விபத்தில் காயம் அடைந்த மெக்கானிக் சிகிச்சை பலனின்றி இறந்தார். நித்திரவிளை அருகே எஸ்.டி.மங்காடு விராலி தோட்டம் பகுதியை சேர்ந்தவர் விஜயன் (64). கார் மெக்கானிக். கடந்த 29ம் தேதி இரவு நடைக்காவிலிருந்து வீட்டுக்கு பைக்கில் வந்து கொண்டிருந்தார். அப்போது வாவறை ஓடல்விளை என்னுமிடத்தில் வைத்து, நிலை தடுமாறி சாலையோரம் உள்ள பள்ளத்தில் விழுந்துள்ளார். இதில் தலையில் பலத்த காயமடைந்து ஆசாரிப்பள்ளம் மருத்துவ கல்லூரி மருத்துவமனையில் சிகிச்சையில் இருந்த விஜயன், சிகிச்சை பலனின்றி நேற்று அதிகாலை பரிதாபமாக இறந்தார். இது சம்பந்தமாக மனைவி சாய்லதா (57) கொடுத்த புகார் மீது நித்திரவிளை போலீசார் வழக்கு பதிவு செய்து விசாரித்து வருகின்றனர்.
The post நித்திரவிளை அருகே விபத்தில் காயமடைந்த கார் மெக்கானிக் சாவு appeared first on Dinakaran.
