வடமதுரை, நவ. 29: வடமதுரை அருகேயுள்ள பாடியூர் களத்து வீட்டை சேர்ந்தவர் பாலாமணி (54). இவர் எரியோடு அருகே உள்ள நத்தப்பட்டியில் உள்ள அரசு உதவிபெறும் தொடக்கப்பள்ளியில் ஆசிரியராக வேலை பார்த்து வருகிறார். இவர் நேற்று முன்தினம் மாலை பள்ளி முடிந்து தனது வீட்டிற்கு டூவீலரில் சென்று கொண்டிருந்தார். பாடியூர் அருகே உள்ள செட்டிமேடு பகுதியில் சென்ற போது எதிரே மோளப்பாடியூரில் இருந்து திண்டுக்கல் நோக்கி சென்ற அரசு பஸ் பாலாமணி சென்ற டூவீலர் மீது மோதியது. இதில் டூவீலரிலிருந்து தவறி விழுந்த பாலாமணி படுகாயமடைந்தார். அவரை அருகில் இருந்தவர்கள் மீட்டு சிகிச்சைக்காக திண்டுக்கல்லில் உள்ள தனியார் மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து வடமதுரை போலீஸார் வழக்குப்பதிவு செய்து விசாரணை நடத்தி வருகின்றனர்.
The post பஸ் மோதி ஆசிரியர் படுகாயம் appeared first on Dinakaran.
