ராவல்பிண்டி: நியூசிலாந்து கிரிக்கெட் அணி பாகிஸ்தானில் சுற்றுப்பயணம் செய்து விளையாடி வருகிறது. டி.20 தொடரில் ஒரு போட்டி மழையால் கைவிடப்பட்ட நிலையில் 2-2 என சமனில் முடிந்தது. அடுத்ததாக 5 ஒரு நாள் போட்டிகளில் மோதுகின்றன. இதில் முதல் போட்டி நேற்று ராவல்பிண்டியில் நடந்தது. முதலில் பேட்டிங் செய்த நியூசிலாந்து 50 ஓவரில் 7 விக்கெட் இழப்பிற்கு 288 ரன் எடுத்தது. அதிகபட்சமாக டேரில் மிட்செல் 113, வில் யங் 86 ரன் அடித்தனர்.
பின்னர் களம் இறங்கிய பாகிஸ்தான் அணியில் தொடக்க வீரர்கள் ஃபகார் ஜமான் 117 (114பந்து), இமாம் உல் ஹக் 60, கேப்டன் பாபர் அசாம் 49, முகமது ரிஸ்வான் நாட்அவுட்டாக 42(34பந்து) ரன் அடித்தனர். 48.3 ஓவரில் 5 விக்கெட் இழப்பிற்கு 291 ரன் எடுத்த பாகிஸ்தான் 5 விக்கெட் வித்தியாசத்தில் வெற்றி பெற்றது. பகார் ஜமான் ஆட்டநாயகன் விருது பெற்றார். 2வது போட்டி இதே மைதானத்தில் நாளை நடக்கிறது.
The post முதல் ஒரு நாள் போட்டி; நியூசி.யை வீழ்த்தி பாகிஸ்தான் வெற்றி appeared first on Dinakaran.
