நியூயார்க்: டி20 உலகக்கோப்பை தொடரில் நியூயார்க்கில் வரும் 9ம் தேதி இந்தியா – பாகிஸ்தான் அணிகள் மோதுகின்றன. “இந்த முறை இந்தியாவுக்கு எதிரான போட்டியில் பாகிஸ்தான் வெற்றி பெறும் என்று நம்புகிறேன், ஆனால் வலுவான போட்டியாளரைத் தேர்ந்தெடுப்பது கடினம்” என பாகிஸ்தான் அணியின் முன்னாள் வேகப்பணத்து வீச்சாளர் ஷாஹித் அஃபிரிடி தெரிவித்துள்ளார்.
மேலும் அவர் தெரிவித்துள்ளதாவது; ” நான் இந்தியாவுக்கு எதிராக விளையாடுவதை விரும்புவேன், இது விளையாட்டில் மிகப்பெரிய போட்டி என நம்புகிறேன். நான் விளையாடியபோது, இந்திய ரசிகர்களிடமிருந்து எனக்கு மிகுந்த அன்பும் மரியாதையும் கிடைத்தது, அது இரு அணிகளுக்கும் நிறைய அர்த்தம்.
இந்தியாவுக்கு எதிரான போட்டி அழுத்தத்தை கையாள்வது பற்றியது. இரு அணிகளுக்கும் நிறைய திறமைகள் உள்ளன. பொறுமை காக்கும் அணி வெற்றி பெறும். டி20 கிரிக்கெட் மிகவும் கணிக்க முடியாதது. அணிகள் இப்போது அவர்களின் பேட்டிங்கில் நிறைய ஆழம் உள்ளது.
எட்டாவது இடத்தில் வரும் பேட்ஸ்மேன் கூட 150 ஸ்டிரைக் ரேட்டில் ரன் குவித்து போட்டியில் வெற்றி பெறலாம். இந்த முறை பாகிஸ்தான் வெற்றி பெறும் என்று நம்புகிறேன் ஆனால் வலுவான போட்டியாளரைத் தேர்ந்தெடுப்பது கடினம்” என தெரிவித்துள்ளார்.
The post இந்தியாவுக்கு எதிரான போட்டியில் பாகிஸ்தான் வெற்றி பெறும் என்று நம்புகிறேன்: பாகிஸ்தான் முன்னாள் வீரர் ஷாஹித் அஃபிரிடி appeared first on Dinakaran.
