திமுக செயற்குழு கூட்டம்

அரூர், மார்ச் 11: தர்மபுரி மேற்கு மாவட்ட தி.மு.க செயற்குழு கூட்டம் இன்று (11ம் தேதி) காரிமங்கலத்தில் உள்ள கட்சி அலுவலகத்தில் நடக்கிறது. இதுகுறித்து மாவட்ட செயலாளர் பழனியப்பன் விடுத்துள்ள அறிக்கையில் கூறியிருப்பதாவது: திமுக இளைஞரணி செயலாளரும், துணை முதல்வருமான உதயநிதி ஸ்டாலின் வரும் 13ம் தேதி (வெள்ளிக்கிழமை) பல்வேறு அரசு மற்றும் கழக நிகழ்ச்சிகளில் பங்கேற்பதற்காக தர்மபுரி மாவட்டத்திற்கு வருகை தருகிறார். இதையொட்டி், தர்மபுரி மேற்கு மாவட்ட தி.மு.க செயற்குழு கூட்டம் இன்று(11ம் தேதி) காலை 10 மணியளவில் காரிமங்கலத்தில் உள்ள மாவட்ட திமுக அலுவலகத்தில் அவைத்தலைவர் மனோகரன் தலைமையில் நடைபெறுகிறது. எனவே, கூட்டத்தில் மாநில, மாவட்ட நிர்வாகிகள், தலைமை செயற்குழு உறுப்பினர்கள், ஒன்றிய செயலாளர்கள், பேரூர் செயலாளர்கள், தேர்தல் பணிக்குழு ஒருங்கிணைப்பாளர்கள், மாவட்ட சார்பு அணிகளின் அமைப்பாளர்கள் மற்றும் இளைஞரணி துணை அமைப்பாளர்கள் அனைவரும் தவறாமல் கலந்து கொள்ளுமாறு கேட்டுக்கொள்கிறேன். இவ்வாறு அவர் தெரிவித்துள்ளார்.