தீப்பெட்டியை விட மலிவு ஆந்திராவில் ஒரு கிலோ வாழைப்பழம் 50 பைசா: ஜெகன் குற்றச்சாட்டு

அமராவதி: ஆந்திர முன்னாள் முதல்வர்ஜெகன்மோகன்ரெட்டி தனது எக்ஸ் பக்கத்தில்,’வணக்கம் இந்தியா, ஆந்திராவைப் பாருங்கள்! ஒரு கிலோ வாழைப்பழம் வெறும் 50 பைசாவுக்கு விற்கப்படுகிறது! இது ஆந்திராவில் வாழை விவசாயிகளின் அவலநிலை. வாழைப்பழங்கள் மட்டுமல்ல, வெங்காயம், தக்காளி மற்றும் பிற பயிர்களுக்கும் உரிய ஊதிய விலை கிடைக்கவில்லை. தெலுங்கு தேசம் கட்சி தலைமையிலான தேசிய ஜனநாயகக் கூட்டணி அரசு வாக்குறுதி அளித்தபடி இலவச பயிர் காப்பீடு, பேரிடர்களின் போது உள்ளீட்டு மானியங்கள் மற்றும் சாகுபடி ஆதரவு ஆகியவை விவசாயிகளுக்கு வழங்கப்படவில்லை. லட்சக்கணக்கான ரூபாய் முதலீடு செய்து பல மாதங்களாக கடின உழைப்பைச் செய்த விவசாயிகளுக்கு இது ஒரு கொடூரமான அடி. பதிலுக்கு அவர்கள் வேதனையை மட்டுமே பெறுகிறார்கள். விவசாயிகள் அடிப்படை உற்பத்திச் செலவுகளைக் கூட மீட்டெடுக்க முடியாமல், தங்கள் விளைபொருட்களை குறைந்த விலையில் விற்க வேண்டிய கட்டாயத்தில் உள்ளனர்என்று குறிப்பிட்டுள்ளார்.