கிருஷ்ணகிரி, ஆக.20: பர்கூர் ஒன்றியம் கந்திகுப்பம் கிராமத்தில் உள்ள தூய விண்ணரசி அன்னை ஆலயத்தின் 41ம் ஆண்டு தேர் திருவிழா, கடந்த 11ம் தேதி கொடியேற்றம் மற்றும் திருப்பலியுடன் துவங்கியது. 12ம் தேதி முதல் 15ம் தேதி வரை தினமும் மாலை 6 மணிக்கு நவநாள் திருப்பலி, நற்கருணை ஆராதனை நடந்தது. 16 மற்றும் 17ம் தேதிகளில் தியான உரை, திருப்பலி நடந்தது. திருப்பலியை பங்குத்தந்தைகள் தேன்கனிக்கோட்டை மரியஜோசப், சேலம் சமூக சேவை மைய இயக்குநர் ராஜமாணிக்கம், சிப்காட் அருள்ராஜ், ஓசூர் சூசை, மத்திகிரி புனித சவேரியார் சிபிஎஸ்இ பள்ளி முதல்வர் பெரியநாயகம் ஆகியோர் வழிநடத்தினர். நற்கருணை ஆராதனையை, கந்திகுப்பம் கானா தியான இல்ல இயக்குநர் அற்புதராஜ், தியான உரையை பெங்களூரு கஸ்பார் தியான மைய இயக்குநர் மரியஅந்தோணி ஆகியோர் வழிநடத்தினர்.