மதுரை: மதுரை மெட்ரோ ரயில் திட்டத்திற்கான விரிவான திட்ட அறிக்கை தயாரிக்க ஒப்பந்தம் கையெழுத்தானது. மதுரையில் மெட்ரோ ரயில் பாதை அமைப்பதற்கான அறிவிப்பு கடந்த பட்ஜெட்டில் வெளியிடப்பட்டது. 75 நாட்களுக்குள் விரிவான திட்ட அறிக்கை தயாரிக்க வேண்டும் என ஒப்பந்தம் போடப்பட்டுள்ளது. மதுரையில் திருமங்கலம்-ஒத்தக்கடை வேளாண் கல்லூரி வரை 31கி.மீ. தூரம் வரை மெட்ரோ ரயில் விட திட்டமிடப்பட்டுள்ளது. சாத்தியக்கூறு அறிக்கை தயாரான நிலையில் விரிவான திட்ட அறிக்கை தயாராகி ஒப்புதல் கிடைத்தவுடன் பணி துவங்கும்.