டெல்லி: அதானி விவகாரத்தால் நாடாளுமன்ற இரு அவைகளும் முடங்கியது. பட்ஜெட் கூட்டத்தொடரின் 3ம் நாள் அமர்வு இன்று காலையில் தொடங்கிய நிலையில் முடங்கியது. இன்று குடியரசுத் தலைவரின் உரைக்கு நன்றி தெரிவிக்கும் தீர்மானத்தின் மீது விவாதம் நடக்க இருந்த நிலையில் அவையில் அதானி பங்கு சந்தை சரிவு தொடர்பாக எதிர்க்கட்சிகள் கோஷம் எழுப்பினர். அதானி குழும விவகாரம் தொடர்பாக உடனடியாக விவாதிக்கக் கோரி எதிர்க்கட்சிகள் முழக்கம் எழுப்பின. எதிர்க்கட்சிகளின் முழக்கத்தால் மாநிலங்களவை நாள் முழுவதும் ஒத்திவைக்கப்பட்டுள்ளது. இதேபோல், அதானி குழும விவகாரம் தொடர்பாக உடனடியாக விவாதிக்க கோரி மக்களவையில் திமுக, சிபிஎம், சிபிஐ, காங்கிரஸ் உள்ளிட்ட எதிர்கட்சிகள் முழக்கம் எழுப்பினர்.