சென்னை: ஓசூரில் வர்த்தக மையம் அமைக்க தேவையான நடவடிக்கை எடுக்கப்படும் என சட்டப்பேரவையில் தொழில்துறை அமைச்சர் தங்கம் தென்னரசு உறுதியளித்துள்ளார். தமிழ்நாடு சட்டப்பேரவையின் இன்றைய நிகழ்வுகள் சபாநாயகர் அப்பாவு தலைமையில் தொடங்கி கேள்வி நேரம் நடைபெற்று வருகிறது. உறுப்பினர்கள் கேள்விகளுக்கு துறை சார்ந்த அமைச்சர்கள் பதில் அளித்து வருகின்றனர். இந்நிலையில் பேரவையில் பேசிய அமைச்சர் தங்கம் தென்னரசு, ஓசூரில் வர்த்தக மையம் அமைக்க தேவையான நடவடிக்கை எடுக்கப்படும். நவீன தொழில்நுட்பத்துடன் கூடிய வர்த்தக மையமாக ஓசூர் வர்த்தக மையம் அமையும் என உறுதி அளித்தார்.
நவீன தொழில்நுட்பத்துடன் ஓசூரில் வர்த்தக மையம் அமைக்க தேவையான நடவடிக்கை எடுக்கப்படும்: பேரவையில் அமைச்சர் தங்கம் தென்னரசு உறுதி
