கொடைக்கானல்: மலைகளின் இளவரசி என அழைக்கப்படும் கொடைக்கானலில் கடந்த சில தினங்களாக தொடர்ந்து சூறைக்காற்றுடன் மழை பெய்தது. ஆங்காங்கே மரங்களும் முறிந்து விழுந்தன. இதனால் போக்குவரத்து வெகுவாக பாதிக்கப்பட்டது. இதன் காரணமாக இரண்டு தினங்களாக வனத்துறை கட்டுப்பாட்டில் உள்ள சுற்றுலாத்தலங்கள் மூடப்பட்டன. மேலும் தொடர்மழை காரணமாக சுற்றுலாப் பயணிகளின் வருகையும் குறைவாகவே இருந்தது.இந்நிலையில் மாண்டஸ் புயல் கடந்த 10ம் தேதி அதிகாலை கரையை கடந்தது. இதனை தொடர்ந்து கொடைக்கானல் பகுதியில் சூறைக்காற்றுடன் பெய்த மழையும் ஓய்ந்தது.