வாஷிங்டன்: வினாடிக்கு 1.5 லட்சம் ரூபாய் லாபம் ஈட்டுவதன் மூலம் உலகிலேயே அதிக வருவாய் ஈட்டும் நிறுவனங்களின் வரிசையில் ஆப்பிள் நிறுவனம் முதலிடத்தை பிடித்துள்ளது. உலகம் முழுவதும் கிளைகள் அமைத்து செயல்படும் அமெரிக்காவின் மிகவும் புகழ்பெற்ற நிறுவனங்கள் வினாடிக்கு பல லட்சம் ரூபாய் லாபம் ஈட்டி வருவது அனைவரையும் வியக்க வைக்கிறது. அதற்கு மூலகாரணமாக இருக்கும் அமெரிக்க ஊழியர்களின் வாழ்நாள் வருமானத்தை இந்த முன்னணி நிறுவனங்கள் ஒரே மணி நேரத்தில் ஈட்டி விடுவதாக புள்ளி விவரங்கள் தெரிவிக்கின்றன. அதன்படி ஆப்பிள் நிறுவனம் வினாடிக்கு 1.5 லட்சம் ரூபாய் வரையும், ஒரு நாளில் மட்டும் 1,282 கோடி ரூபாயையும் லாபமாக ஈட்டுகிறது.