சென்னை: சென்னையில் இருந்து அந்தமானுக்கு தினமும் 7 விமானங்கள் வீதம், நாள் ஒன்றுக்கு சென்னை- அந்தமான் - சென்னை இடையே 14 விமான சேவைகள் இயக்கப்படுகின்றன. அந்தமான் சிறந்த சுற்றுலாத்தளமாக இருப்பதாலும், அந்தமானில் தமிழர்கள் அதிக அளவில் வசிப்பதாலும், அந்தமான் விமானங்களில் எப்போதுமே பயணிகள் கூட்டம் நிறைந்து இருக்கும். அந்தமானில் பகல் 3 மணியிலிருந்து தரைக்காற்று வீசத் தொடங்கிவிடும். அப்போது அங்கு விமானங்களை இயக்க முடியாது. இதனால் அந்தமானில் விமான சேவை என்பது அதிகாலையில் முதல் பிற்பகல் வரை மட்டுமே.