சென்னை: பாஜக தலைவர் அண்ணாமலை மீண்டும் பத்திரிகையாளர்களை தரக்குறைவாக பேசி இருப்பது சர்ச்சையை ஏற்படுத்தியுள்ளது. பத்திரிக்கையாளர்களை அவமதிக்கும் வகையில் தொடர்ந்து கருத்துக்களை தெரிவித்து வரும் அண்ணாமலைக்கு அரசியல் தலைவர்கள் கண்டனம் தெரிவித்துள்ளனர். கடலூரில் பாரதிய ஜனதா கட்சி சார்பில் தலைமை தபால் நிலையம் அருகே நடைபெற்ற ஆர்ப்பாட்டத்தில் அக்கட்சியின் மாநில தலைவர் அண்ணாமலை கலந்துக்கொண்டார். பின்னர் செய்தியாளர்களை சந்தித்த அவர், பத்திரிக்கையாளர்களை அவமதிக்கும் வகையில் சர்ச்சை கருத்துக்களை வெளிப்படுத்தினார்.