சென்னை: ஒடிசா அரசு எடுத்துள்ள நடவடிக்கை போல, தமிழகத்திலும் தற்காலிக ஊழியர்களை பணி நிலைப்பு செய்ய வேண்டும் என பாமக நிறுவனர் ராமதாஸ் கோரிக்கை விடுத்துள்ளார். இதுதொடர்பாக அவர் வெளியிட்ட அறிக்கையில்: ஒடிசா மாநிலத்தின் அரசுத் துறைகளில் ஒப்பந்த பணி முறை ஒழிக்கப்பட்டிருக்கிறது. தற்காலிக பணியாளர்களாக பணியாற்றி வந்த 57 ஆயிரத்துக்கும் மேற்பட்டோர் பணி நிலைப்பு செய்யப்பட்டுள்ளனர். ஒடிசா அரசின் இந்த நடவடிக்கை வரவேற்கத்தக்கது. இதன்மூலம் தமிழ்நாடு உள்ளிட்ட பிற மாநிலங்கள் கடைபிடிப்பதற்கான முன்னுதாரணத்தை ஒடிசா உருவாக்கியுள்ளது.