பெங்களூரு: கன்னட படத்தில் முக்கிய வேடத்தில் நடிக்கிறார் மலையாள சூப்பர் ஸ்டார் மோகன்லால். மலையாள சினிமாவில் முக்கிய ஸ்டாரான மோகன்லால், தமிழ், இந்தி, தெலுங்கு, கன்னடம் படங்களிலும் நடித்துள்ளார். தமிழில் உன்னைப் போல் ஒருவன் படத்தில் கமல்ஹாசனுடன் நடித்தார். ஜில்லா படத்தில் விஜய்யுடன் நடித்தார். தெலுங்கில் ஜனதா கேரேஜ் படத்தில் ஜூனியர் என்டிஆருடன் நடித்திருந்தார். இந்தியில் அஜய் தேவ்கனுடன் கம்பெனி படத்தில் நடித்தார். கன்னடத்தில் 2004ம் ஆண்டு வெளிவந்த லவ் படத்தில் முக்கிய வேடம் ஏற்றார். இதையடுத்து 2015ல் புனித் ராஜ்குமாருடன் சேர்ந்து மைத்ரி என்ற கன்னட படத்தில் மோகன்லால் நடித்தார். இப்போது 7 வருடம் கழித்து மீண்டும் கன்னட படத்தில் மோகன்லால் நடிக்கிறார்.