சென்னை: திருப்பூர் மற்றும் கரூர் மாவட்டங்களுக்கு அமராவதி அணையிலிருந்து 8,104 மில்லியன் கன அடி நீர் 135 நாட்களுக்கு திறந்து விட வேண்டும் என நீர்வளத்துறை கூடுதல் தலைமைச் செயலாளர் உத்தரவு. இதுதொடர்பாக வெளியிட்டுள்ள அறிக்கையில்: திருப்பூர் மற்றும் கரூர் மாவட்டங்களை சார்ந்த 10 அமராவதி பழைய வாய்க்கால்களின் பாசனப் பகுதிகளிலுள்ள நிலங்களுக்கு அமராவதி ஆற்று மதகு வழியாக 5443.00 மில்லியன் கன அடிக்கு மிகாமலும், திருப்பூர் மாவட்டத்திலுள்ள புதிய பாசன நிலங்களுக்கு அமராவதி பிரதானக் கால்வாய் வழியாக 2661.00 மில்லியன் கன அடிக்கு மிகாமலும், மொத்தம் 8104 மில்லியன் கன அடிக்கு மிகாமல் நீர் திறந்து விட வேண்டும்.