சென்னை: பிரதமர் மோடிக்கு, தமிழக கவர்னர் ஆர்.என்.ரவி, முதல்வர் மு.க.ஸ்டாலின் மற்றும் அரசியல் கட்சித்தலைவர்கள் பிறந்தநாள் வாழ்த்து தெரிவித்துள்ளனர். பிரதமர் மோடிக்கு நேற்று பிறந்தநாள். அவருக்கு ஜனாதிபதி, அமைச்சர்கள் உள்ளிட்ட பல்வேறு அரசியல் கட்சி தலைவர்கள் வாழ்த்து தெரிவித்தனர். தமிழக கவர்னர் ஆர்.என்.ரவியும், வாழ்த்து தெரிவித்தார். அதில், தமிழக மக்களின் சார்பாக, தேசத்தின் சேவையில் நீண்ட ஆரோக்கியத்துடன் வாழ வேண்டும் என தெரிவித்துள்ளார். அதேபோல், முதல்வர் மு.க.ஸ்டாலின் டிவிட்டரில் வாழ்த்து தெரிவித்துள்ளார். அதில், ‘பிரதமர் நரேந்திர மோடிக்கு பிறந்தநாள் வாழ்த்துகள். நீங்கள் நீண்ட உடல் ஆரோக்கியத்தோடு இருக்க வேண்டும்’ என்று கூறியுள்ளார்.