திருவள்ளூர்: கடம்பத்தூர் ஒன்றியத்திற்குட்பட்ட பேரம்பாக்கத்தில் உள்ள அரசினர் ஆண்கள் மேல்நிலைப் பள்ளியில் நேற்று மப்பேடு காவல்துறை சார்பில் போதைப் பொருட்கள் தடுப்பது குறித்து பள்ளி மாணவர்களுக்கு விழிப்புணர்வு நிகழ்ச்சி நடைபெற்றது. திருவள்ளூர் மாவட்ட போலீஸ் எஸ்பி சீபாஷ் கல்யாண் உத்தரவின்பேரில், திருவள்ளூர் போலீஸ் டிஎஸ்பி சந்திரதாசன் மேற்பார்வையில் பேரம்பாக்கத்தில் உள்ள அரசினர் ஆண்கள் மேல்நிலைப் பள்ளியில் விழிப்புணர்வு நிகழ்ச்சி நடைபெற்றது. பள்ளியின் தலைமை ஆசிரியர் செல்ல பாண்டியன் தலைமை வகித்தார். இந்நிகழ்ச்சியில், மப்பேடு போலீஸ் சப்-இன்ஸ்பெக்டர் இளங்கோ கலந்துகொண்டு பேசும்போது, `முதல்வர் மு.க.ஸ்டாலின் இளைஞர்கள், பள்ளி கல்லூரி மாணவர்கள் போதைப் பழக்கத்தில் இருந்து முழுவதுமாக மீட்டு வருவதற்காக பல்வேறு கட்ட நடவடிக்கைகளை போர்க்கால அடிப்படையில் செயல்படுத்தி வருகிறார். அதோடு மட்டுமில்லாமல் தமிழக அரசால் தடை செய்யப்பட்ட குட்கா பொருட்கள் தொடர்ந்து பறிமுதல் செய்யப்பட்டு இவற்றில் சம்பந்தப்பட்டவர்கள் மீது கடும் நடவடிக்கைகள் மேற்கொள்ளப்பட்டு வருகிறது.